Pa ni ayen ki té ké pi senp
ayen ki té ké pi senp ki sa
ba moun a-w do
ayen ki té ké pi fasil ki santi-w
santi-w ka monté ho
two-ho-two-ho-pi-ho
avè moun a-w pa té ké kapab a jwen vou
pa ni ayen ki té ké pi lèd ki sa
ayen ki té ké pi lèd ki fè lasanblan
ayen pi hontez ki fè lasanblan
paka sonjé ola ou sòti
paka sonjé lè ou té ka sizé janm an pikwa
pou manjé janm an pikwa
an salon a Ma Khalifa
pa ni hak ki té ké pi rèd ki sa
si lidé a-w té di-w obliyé
tousa zòt pasé ansanm
tout penn é péripési zòt séparé
kifè zòt di lavi sé on manjé piman
men nou ka pran’y ansanm
piman an mwen sé ta-w pou on sèl brilé gyèl
pa ni ayen ki pi bèl ki sa
ayen ki pi bèl ki pirog a lanmityé a zòt
ka chayé zòt an lavi men on grenn dlo pa’a pasé
menm si zòt gérilas jan zò gérilas
ayen ki pi bèl ki jan lanmityé a zòt eskanpé
soulyé a chak frè ka kléré an lannuit
pou pon yònn adan zòt pa pèdi
Ayen ki pi bèl ki jan ou ka vansé avè yo
Séla-w-la.